वजिरिस्तानको आक्रमणमा पाँच सैनिकको पाँच सैनिकको मृत्यु

नारायण गाउँले
२०७७ फागुन ०८ शनिबार

काठमाडौं । पाकिस्तानको दक्षिणी जिल्ला वजिरिस्तानको सुरक्षा जाँच चौकीमा आक्रमण हुँदा पाँच सैनिकको मृत्यु भएको छ।
दक्षिणी वजिरिस्तानको जवार पोस्टमा बिहीवार राति आक्रमण भएको थियो। पाँच सैनिकको मृत्यु र एक सैनिक गम्भीर घाइते भएको सुरक्षा अधिकारीहरूले बताएका छन्।

त्यस इलाकामा थप सैनिक परिचालन गरी आक्रमणकारीको खोजी कार्य तिब्र बनाएको सेनाले जनाएको छ। उक्त आक्रमणको जिम्मेवारी पाकिस्तानी तेहरिक–ए–तालिबानीले लिएको छ। हतियारधारी विद्रोहीहरूको गढ भनेर अफगानिस्तानसँग सीमा जोडिएको दक्षिणी वजिरिस्तानलाई चिनिन्छ । तर त्यस क्षेत्र सरकारले व्यापक सैनिक परिचालन गरी सक्रिय विद्रोहीलाई कमजोर बनाउँदै लगेको प्रयास छ।

विद्रोहीहररूले बेलाबखत अझै पनि त्यस क्षेत्रमा सुरक्षाकर्मीलाई लक्षित गरी आक्रमण गरेको जनाएको छ। यहि महिनाको सुरुमा गोली हानाहान भएको थियो । घटनामा ४ विद्रोही र ४ सैनिकको मृत्यु भएको थियो।