काठमाडौँ । बुटवल पावर कम्पनी लिमिटेडले विद्युत नियमन आयोग समक्ष सार्वजनिक सुनुवाई गर्दैछ । 

पुतलीबजार नगरपालिका वार्ड.नं १ स्याङ्गजास्थित सिटी हलमा २०८१ बैशाख १४ गते शुक्रबार दिउँसो १ बजे देखि ३ बजे सम्म सार्वजनिक सुनुवाई गर्न लागेको हो ।  

उपभोक्ता विद्युत महसुल निर्धारणका लागि पेश गरेको निवेदनमा विद्युत नियमन आयोग ऐन, २०७४ को दफा २१ र नियमावली, २०७५ को नियम १९ बमोजिम सार्वजनिक सुनुवाई गर्नुपर्ने व्यवस्था अनुसार आयोगले सार्वजनिक सुनुवाई गर्न लागेको हो । 

आयोगद्वारा जारीसूचनाअनुसार सम्पूर्ण सरोकारवालाहरुसंग राय, सुझाव तथा प्रतिक्रिया लिने उद्धेश्यका साथ विद्युत नियमन आयोग सार्वजनिक सुनुवाई संचालन निर्देशिका, २०७६ अनुसार तपसिल बमोजिम सार्वजनिक सुनुवाई कार्यक्रमको आयोजना गरिने छ । 

उक्त अवसरमा उपभोक्ता, उद्योगी, व्यवसायी, स्थानिय बासिन्दा, प्रतिनिधिमूलक संस्थाहरु, संचार माध्यम, स्थानिय तहका प्रतिनिधि तथा सम्पूर्ण सरोकारवालाहरुलाई सो कार्यक्रमा सहभागी हुने जनाइएको छ । 

आयोगले सरोकारवालाहरुले आयोगको कार्यालयमा लिखित रुपमा एवम् आयोगको इमेल ठेगाना  -info@erc.gov.np_ मार्फत समेत आफ्ना राय, सुझाव तथा प्रतिकृया पेश गर्न भनेको छ । यस सम्बन्धमा बिस्तृत जानकारी आयोगको आधिकारिक वेवसाईट https://www.erc.gov.np/  मा हेर्न सकिन्छ ।