ट्रेन्डिङ
खबरमुकाम
काठमाडौं । सम्पत्ति शुद्धीकरण मुद्दामा पुर्पक्षका लागि थुनामा रहेका व्यवसायी दीपक भट्ट र सुलभ अग्रवालसँग थप दुई छुट्टाछुट्टै मुद्दामा जिल्ला अदालत काठमाडौंले करोडौं रुपैयाँ धरौटी माग गर्ने आदेश दिएको छ ।
बिहीबार न्यायाधीश शिवप्रसाद आचार्यको इजलासले बिमा ऐन, २०७९ अन्तर्गतको कसुरमा सुलभ अग्रवालसँग २ करोड रुपैयाँ र दीपक भट्टसँग १ करोड ५० लाख रुपैयाँ धरौटी माग गरेको हो ।
यस्तै, धितोपत्र सम्बन्धी ऐन, २०६३ अन्तर्गतको मुद्दामा सुलभ अग्रवालसँग २ करोड ३० लाख रुपैयाँ धरौटी माग गरिएको छ । सोही ऐनअन्तर्गत ८१ जना प्रतिवादी रहेको अर्को मुद्दामा अग्रवालसँग १ करोड ५० लाख रुपैयाँ र भट्टसँग १ करोड रुपैयाँ धरौटी माग गर्ने आदेश भएको जिल्ला अदालत काठमाडौंका सूचना अधिकारी शिव खतिवडाले जानकारी दिए ।
यसअघि असार ३ गते विशेष अदालतका न्यायाधीश सुदर्शनदेव भट्ट, उमेश कोइराला र विदुर कोइरालाको इजलासले सम्पत्ति शुद्धीकरण कसुरमा दुवैलाई पुर्पक्षका लागि थुनामा पठाउने आदेश दिएको थियो ।
हाल दीपक भट्ट र सुलभ अग्रवाल दुवै कारागारमा रहेका छन् ।
यो खबर पढेर तपाईलाई कस्तो महसुस भयो ?
ताजा उपडेट
- जगद्गुरु शिवशक्ति बाबा ‘अखण्ड भारत श्री श्री श्री १००८ सन्तस्वामी’ उपाधिबाट सम्मानित
- जलविरेमा दुई बस ठोक्किँदा नारायणगढ–मुग्लिन सडक अवरुद्ध
- बाढीपहिरोले विभिन्न राजमार्ग प्रभावित, केही ठाउँमा राति सवारी सञ्चालन बन्द
- फ्रान्सलाई हराउँदै इङ्ग्ल्यान्ड विश्वकपको तेस्रो स्थानमा
- आज देशभर वर्षा, केही क्षेत्रमा अति भारी पानीको चेतावनी
- मधेसमा ५८ प्रतिशत धान रोपाइँ सम्पन्न, सिरहा अगाडि महोत्तरी सबैभन्दा पछाडि
- बाढी–पहिरोले देशभरका प्रमुख राजमार्ग प्रभावित, यात्रा अघि सूचना लिन आग्रह
- राजविराज कारागारमा विवाद, पाँच कैदीबन्दीद्वारा आत्मदाह प्रयास
