काठमाडौं । रसुवाको भोटेकोशी नदीमा आएको भीषण बाढीमा परी मृत्यु हुनेको संख्या १ हजार नाघेको छ । राष्ट्रिय विपद् जोखिम न्यूनीकरण तथा व्यवस्थापन प्राधिकरणले मंगलबार दिउँसो १ बजेसम्म अद्यावधिक गरेको विवरणअनुसार बाढीमा परी मृत्यु हुनेको संख्या १ हजार ३ पुगेको हो ।

प्राधिकरणका अनुसार सबैभन्दा धेरै चितवनमा ३२१ जनाको शव फेला परेको छ । त्यस्तै पूर्वी नवलपरासीमा २१६, पश्चिम नवलपरासीमा १७०, धादिङमा ५७, गोरखामा ६५, नुवाकोटमा ९५, तनहुँमा ३८ र रसुवामा ४१ जनाको शव फेला परेको छ ।

बाढीमा परी २७९ जना घाइते भएका छन् भने उपचारपछि १६८ जना डिस्चार्ज भएका छन् ।

प्राधिकरणका अनुसार अझै ३ हजार ९१६ जना सम्पर्कविहीन छन् । बाढी प्रभावित क्षेत्रबाट हालसम्म ११ हजार ८८४ जनाको उद्धार गरिएको छ ।