काठमाडौं । रसुवाको भोटेकोशी नदीमा आएको विनाशकारी बाढीपछि जारी खोज तथा उद्धार कार्यको पछिल्लो विवरण नेपाल प्रहरीले सार्वजनिक गरेको छ ।

प्रहरीका अनुसार आज बिहान ८ बजेसम्म बाढीमा परी १ हजार १२७ जनाको शव फेला परेको छ । फेला परेका शवमध्ये ३१ जना बालक, ४५ जना बालिका, २२७ जना महिला र ३९७ जना पुरुष रहेका छन् ।

यस्तै, ४२७ वटा मानव शरीरका आंशिक अंग समेत फेला परेको प्रहरीले जनाएको छ । फेला परेका शवमध्ये १ हजार ११३ वटाको लास जाँच मुचुल्का सम्पन्न भइसकेको छ भने ९५ वटा शव परिवारलाई हस्तान्तरण गरिएको छ । प्रहरीले अझै ९११ शवको पहिचान खुल्न नसकेको जनाएको छ ।

बाढीपछि ठूलो संख्यामा मानिस अझै बेपत्ता छन् । प्रहरीको तथ्याङ्कअनुसार ४ हजार ८५८ जना सम्पर्कविहीन रहेका छन् ।

यसैगरी, १ हजार ३५० जनाको बारेमा फोनमार्फत बेपत्ता भएको जानकारी प्राप्त भएको प्रहरीले जनाएको छ ।