काठमाडौँ । खिचापोखरीस्थित ह्वाइट फेदर्स ज्वेलरीले सुन, चाँदी र डायमण्डका गहनामा विभिन्न आकर्षक योजना सार्वजनिक गरेको छ । ज्वेलरीले ‘डायमण्ड मेगा अफर’ अन्तर्गत तोकिएका डायमण्ड गहनामा ५५ प्रतिशतसम्म छुट दिने जनाएको छ ।

अफरमा समावेश डायमण्ड गहनाको मूल्य ४ हजार ९ सय ९९ रुपैयाँदेखि सुरु हुने ज्वेलरीले जनाएको छ । रिङ, इयररिङ, मंगलसूत्र, पेन्डेन्ट, ब्रेसलेट, नेकलेस र नोजपिनलगायतका गहना अफरमा समेटिएका छन् ।

ज्वेलरीका अनुसार ४० हजार रुपैयाँभन्दा बढी मूल्यका तोकिएका डायमण्ड गहना खरिद गर्ने ग्राहकले स्क्र्याच कुपन प्राप्त गर्नेछन् । कुपनमार्फत अधिकतम २ लाख रुपैयाँसम्म क्यासब्याक, निःशुल्क प्राकृतिक डायमण्ड नेकलेस सेट वा १ किलो चाँदीको बार जित्ने अवसर रहेको ज्वेलरीले जनाएको छ ।

सुनका गहनामा मेकिङ चार्ज ५ दशमलव ९९ प्रतिशतदेखि सुरु हुने बताइएको छ । त्यस्तै, १५ तोलाको ब्राइडल ज्वेलरी सेट खरिद गर्दा डायमण्ड रिङ निःशुल्क उपलब्ध गराइनेछ । तोकिएका २२ क्यारेटका पोला रिङमा ज्याला र जर्ती शुल्क नलाग्ने ज्वेलरीले जनाएको छ ।

चाँदीका गहनातर्फ पनि विभिन्न छुट तथा सुविधा राखिएको छ । सीमित रेडिमेड चाँदीका गहनामा ज्याला र जर्ती शुल्क नलाग्ने तथा चाँदीका रोडियम गहनामा ५० प्रतिशतसम्म छुट दिइनेछ । चाँदीका भाँडाकुँडाको मेकिङ चार्जमा समेत ५० प्रतिशत छुटको व्यवस्था गरिएको छ ।

ज्वेलरीका अनुसार चाँदीका गहनाको मूल्य ६ सय ९९ रुपैयाँदेखि सुरु हुन्छ । ७ लाख रुपैयाँ बराबरको चाँदी तथा डायमण्डका गहना खरिद गर्ने ग्राहकलाई ५ ग्रामको चाँदीको सिक्का निःशुल्क प्रदान गरिनेछ ।

‘कपल सेलिब्रेसन’ योजनाअन्तर्गत १ लाख ५० हजार रुपैयाँ बराबरको चाँदी वा डायमण्डका गहना खरिद गर्दा ग्राहकले रोमान्टिक डिनरको भाउचर प्राप्त गर्न सक्नेछन् । ज्वेलरीले गहना खरिदमा ईएमआई सुविधासमेत उपलब्ध रहेको जनाएको छ ।

ज्वेलरीका अनुसार अफर सीमित अवधिका लागि मात्र लागू हुनेछ र अफरमा समावेश गहनाको स्टक पनि सीमित रहेको छ । ग्राहकले सामाजिक सञ्जालमा ‘OFFER’ लेखेर प्रतिक्रिया पठाएमा पछिल्ला डिजाइन, मूल्य तथा लागू हुने अफरबारे जानकारी उपलब्ध गराइने ज्वेलरीले जनाएको छ ।