काठमाडौं । अन्तरर्राष्ट्रि छवि स्थापित गरेका सेफ सन्तोष साह हाजिरी जमानीमा छुटेका छन् । काठमाडौंको गैरीधारास्थित एक रेष्टुरेन्ट खरिदका क्रममा दिइएको चेक अनादर तथा ठगी कसुरमा शनिबार पक्राउ परेका साहलाई काठमाडौं जिल्ला अदालतले हाजिरी जमानीमा छोडेको हो । 

काठमाडौं जिल्ला प्रहरी प्रवक्ता एसपी पवनकुमार भट्टराईले साहलाई अदालतको आदेशमा हाजिरी जमानीमा छाडिएको बताए । अनुसन्धानका क्रममा खोजी हुँदा उपस्थित हुने गरी परिवारका सदस्यको जिम्मामा छाडिएको उनको भनाइ रहेको छ ।

सेफ साह होटल तथा रेष्टुरेन्ट क्षेत्रमा चर्चित छन् । उनलाई काठमाडौं उपत्यका अनुसन्धान कार्यालयको टोलीले नियन्त्रणमा लिएर अनुसन्धान अगाडि बढाएको थियो ।