मुकाम डेस्क । एसीसी यू–१९ एसिया कप क्रिकेटमा आज नेपाल र अफगानिस्तान भिड्दैछन् । खेल यूएईको दुबईस्थित आईसीसी एकेडेमी ओभल–२ मा नेपाली समयअनुसार बिहान ११ः१५ बजे शुरू हुनेछ ।  

प्रतियोगिताको सेमिफाइनल पुग्ने सम्भावनालाई कायम राख्न नेपालले आज अफगानिस्तानलाई हराउन जरुरी छ । किनकि, पहिलो खेलमा नेपाल पाकिस्तानसँग ७ विकेटले पराजित भएको थियो । 

अफगानिस्तानको अवस्था पनि उस्तै छ । पहिलो खेलमा भारतसँग पराजित भएको अफगानिस्तान पनि सेमिफाइनलमा पुग्न नेपाललाई हराउन चाहन्छ । यसर्थ यी दुईबीचको खेल रोमाञ्चक र प्रतिस्पर्धात्मक हुने अपेक्षा छ ।

नेपालले समूह चरणको अन्तिम खेलमा मंसिर २६ गते मंगलबार भारतसँग खेल्नेछ । 

प्रतियोगितामा ८ टोली सहभागी छन् । प्रतियोगितामा नेपाल समूह ‘ए’मा छ । नेपाल रहेको समूहमा भारत, पाकिस्तान र अफगानिस्तान रहेका छन् । समूह ुबीुमा आयोजक यूएई, बंगलादेश, जापान र श्रीलंका छन् ।

समूह ‘ए’को शीर्ष स्थानमा पाकिस्तान र दोस्रोमा भारत छ । समूहमा शीर्ष दुईमा रहने टोली सेमिफाइनलमा प्रवेश गर्नेछन् ।

नेपालको कप्तानी देव खनालले गरिरहेका छन् ।