काठमाडौं । पाकिस्तानस्थित ब्रड पिक हिमालमा गएको हिमपहिरोमा परेर विश्व कीर्तिमानी नेपाली पर्वतारोही निर्मल पुर्जा (निम्स दाई) को निधन भएको पुष्टि भएको छ । पुर्जाले स्थापना गरेको इलाइट एक्सपेडले सामाजिक सञ्जालमार्फत उनको निधन भएको जानकारी सार्वजनिक गरेको हो।

हिमपहिरोपछि निर्मल पुर्जासहित १० जना पर्वतारोही बेपत्ता भएका थिए। तीमध्ये ६ जना नेपाली रहेका थिए । उद्धार टोलीले शुक्रबार चार जनाको शव फेला पारेको थियो भने बाँकीको खोजी जारी रहेकै अवस्थामा निर्मल पुर्जाको निधन भएको पुष्टि गरिएको हो ।

निर्मल पुर्जा विश्वका १४ वटा ८,००० मिटरभन्दा अग्ला हिमालहरू अत्यन्त छोटो समयमै आरोहण गरेर विश्व कीर्तिमान कायम गरेका नेपाली पर्वतारोहीका रूपमा परिचित थिए । उनको निधनले नेपाली पर्वतारोहण क्षेत्र तथा विश्व पर्वतारोहण समुदायमा गहिरो शोक छाएको छ ।