काठमाडौँ । गैर आवासीय नेपाली संघ (एनआरएनए) राष्ट्रिय समन्वय परिषद्, अमेरिकाको २०२५–२०२७ कार्यकालका लागि सम्पन्न निर्वाचनमा बाबुराम काफ्ले ३७६१ मत प्राप्त गर्दै बोर्ड अफ डाइरेक्टर्स पदमा विजयी भएका छन् ।

उनको विजयीलाई एनआरएनएमा पारदर्शिता, जवाफदेहिता र प्रभावकारी नेतृत्वको आशाका रूपमा हेरिएको छ । हालका दिनमा संगठनप्रति निराशा र असन्तुष्टि व्यक्त भइरहेका बेला काफ्लेको जितले समुदायबीच नयाँ उत्साह र झिनो आशा जगाएको बताइएको छ ।

विजयपछि काफ्लेलाई विभिन्न व्यक्तित्व र संस्थाले बधाई दिँदै एनआरएनएलाई सबैको आवाज सुन्ने र विदेशमा रहेका नेपालीहरूलाई जोड्ने साझा मञ्च बनाउन योगदान दिने अपेक्षा व्यक्त गरेका छन् ।

काफ्लेले आफ्नो कार्यकालमा संगठनलाई पारदर्शी र परिणाममुखी बनाउने संकल्प व्यक्त गर्दै विश्वभर रहेका नेपालीहरूको हितका लागि काम गर्ने प्रतिबद्धता जनाएका छन् ।