काठमाडौँ -   प्रत्येक वर्ष श्रावण शुक्ल पूर्णिमाका दिन मनाइने रक्षाबन्धन, जनैपूर्णिमा (ऋषि तर्पणी) पर्व सोमबार देशभर नवयज्ञोपवीत जनै एवम रक्षाबन्धन धारण गरेर मनाइँदै छ । आजका दिन बिहानैदेखि वैदिक सनातन धर्मावलम्बीले नदी, ताल, तलाउ, पोखरीमा गई स्नान गरेर गुरु पुरोहितबाट रक्षा सूत्र (डोरो) बाँध्छन् ।

 नेपालको तराई प्रदेशमा राखी पर्बका रुपमा दिदीबहिनी द्धारा दाजुभाईलाई राखीका रुपमा हातमा डोरो बाध्ने चलन छ । पहाडी प्रदेशमा भने यसको छुट्रटै प्रचलन रहेको छ ब्राम्हण पुरोहितले जनै फेर्ने डोरो लगाउने र नेवारी समुदायमा कोक्ति पुर्णिमाका रुपमा मनाउदै सबै प्रकारका गेडागुडी मिलाएर  क्वाटी खाने प्रचलन रहिआएको छ   । 

काठमाडौँ उपत्यका बिशेषगरी नेवारी समुदायमा क्वाटी पुणिमाका रुपमा रक्षबन्धन बाँधेर बिभिन्न प्रकारका खानेकुरा खादैैँ जनैंपुणिमा पर्ब मनाउने प्रचलन रहिआएको छ ।  आजको दिन देशभरि नै जनैपूर्णिमा मनाईन्छ ।

गुरु पुरोहितले विधिपूर्वक मन्त्रिएको यज्ञोपवीत एवम् डोरो (रक्षा सूत्र) धारण गरेमा नकारात्मक तत्त्वबाट सुरक्षा प्राप्त हुने धार्मिक विश्वास रहेको छ ।

                                                                                                                                                     स्रोत: गोरखापत्र अनलाइन