काठमाडौं । मुख शरीरको महत्वपूर्ण अंग हो । खान, बोल्न र हाँस्नमा मुखको विशेष भूमिका हुन्छ । त्यसैले मुखको सरसफाइमा कुनै लापरबाही गर्नुहुँदैन । मुखको सफाइ नगर्दा गन्ध आउने मात्रै होइन, दाँत र गिजामा विभिन्न रोग निम्तिन पनि सक्छ ।

मुखको सफाइका लागि ध्यान दिनुपर्ने कुरा :

१.धेरै गुलियो, अमिलो खानेकुरा सकेसम्म कम खाने ।
२.धेरै तातो र धेरै चिसो नखाने ।
३.मादक पदार्थ, धूम्रपान र सुर्ती सेवन नगर्ने ।
४.हतारमा, जोडसँग घोटेर दाँत नमाझ्ने ।
५.मुखमा खानेकुरा राखेर नसुत्ने ।
६.बच्चाको मुखमा दूधको बोतल राखेर नसुताउने ।

७.बिहान खाना खाएपछि र राति सुत्नुअघि दाँत माझ्ने ।
८.रेसा भएको र पोसिलो खानेकुरा खाने ।
९.पानी प्रशस्त पिउने ।
१०.वेलावेलामा मुख कुल्ला गरेर दाँतमा अड्किएका खानेकुरा हटाउने, डेन्टल फ्लसको प्रयोग गर्न पनि सकिन्छ ।
११.नरम ब्रसले दाँत माझ्ने, जिब्रो पनि सफा गर्ने ।
१२.फ्लोराइडयुक्त मन्जन प्रयोग गर्ने ।
१३.हरेक ५ महिनामा दाँत जँचाउने ।