काठमाडौँ । राष्ट्रिय स्वतन्त्र पार्टी (रास्वपा) का सभापति रवि लामिछानेविरुद्ध लगाइएको संगठित अपराधसम्बन्धी अभियोग सबै सम्बन्धित अदालतबाट फिर्ता भएको छ । शुक्रबार काठमाडौँ जिल्ला अदालतका न्यायाधीश आत्मदेव जोशीको इजलासले संगठित अपराधको मुद्दा फिर्ता लिन आदेश दिएको हो । 

यसअघि रुपन्देही, पर्सा र कास्की जिल्ला अदालतबाट पनि सोही प्रकृतिका अभियोग फिर्ता लिने आदेश जारी भइसकेका थिए ।

कास्की जिल्ला अदालतमा दायर सम्पत्ति शुद्धीकरणसम्बन्धी मुद्दासमेत फिर्ता भइसकेको जनाइएको छ । यद्यपि, विभिन्न अदालतमा रहेका सहकारी ठगीसम्बन्धी मुद्दाहरू भने यथावत् रहनेछन् ।

अदालतका पछिल्ला आदेशसँगै रवि लामिछानेसहित जीबी राईलगायत अन्य प्रतिवादीमाथि सहकारी ठगीबाहेक लगाइएका संगठित अपराध तथा अन्य अभियोगहरू फिर्ता भएका छन् ।