काठमाडौं । नेपाली बजारमा आज सुनको मूल्य बढेको छ । आज ह्वात्तै मूल्य बढेसँगै सुनको भाउ तोलामा फेरी तीन लाखको नजिक पुगेको छ । 

नेपाल सुनचाँदी वयवसायी महासंघले सार्वजनिक गरेको मूल्यसूची अनुसार आज सुनको मूल्य तोलामा ८ हजार रुपैयाँले बढेको छ । यससंगै आज नेपाली बजार सुन प्रतितोला २ लाख ९६ हजार रुपैयाँमा कारोबार भइरहेको छ । बुधबार सुनको मूल्य प्रतितोला २ लाख ८८ हजार रहेको थियो । 

त्यसैगरी आज चाँदीको मूल्य पनि बढेको छ । बुधबार प्रतितोला ४ हजार ४७५ मा कारोबार भएको चाँदीको मूल्य बिहीबार ९५ रुपैयाँले बढेसँगै प्रतितोला ४ हजार ५७० रुपैयाँ तोकिएको छ ।