काठमाडौं । नेपालीबजारमा आज सुनको मूल्यमा उच्च गिरावट आएको छ । अघिल्लो दिनको तुलनामा आज सुनको मूल्य उच्च दरमा घटेको हो । 

नेपाल सुनचाँदी व्यवसायी महासंघले दिएको जानकारी अनुसार सुनको मूल्यमा आज तोलामै १० हजार १०० ले गिरावट आएको छ । यससँगै अघिल्लो दिन प्रतितोला ३ लाख १ हजार ९०० रुपैयाँमा कारोबार भएको सुन आज प्रतितोला २ लाख ९१ हजार ८०० रुपैयाँमा कारोबार भइरहेको छ । 

आज चाँदीको मूल्य पनि तोलामा १८५ रुपैयाँले घट्दै ४ हजार ७४० रुपैयाँमा कारोबार भइरहेको महासंघले जनाएको छ । अघिल्लो दिन चाँदी प्रतितोला ४ हजार ९२५ रुपैयाँमा कारोबार भएको थियो ।