महोत्तरी । प्रेस सेन्टर नेपाल मधेस प्रदेशको पाँचौँ अधिवेशनले निरज पिठाकोटीलाई मधेस प्रदेश अध्यक्ष चयन गरेको छ ।

महोत्तरीको बर्दिबासमा सम्पन्न अधिवेशनबाट उनी सर्वसम्मत अध्यक्ष चयन भएका हुन् । अधिवेशनले उपाध्यक्षमा सप्तरीका गोपाल गुप्ता र धनुषाका रामएकवाल महरालाई चयन गरेको छ भने महासचिवमा सिराहाका जिवछ उदासी चयन भएका छन् ।

सचिव पदमा धनुषाका विनोद महतो, बाराका रमेश साह, पर्साका रञ्जित पाण्डे, सप्तरीका दीपेन्द्र यादव, महोत्तरीका विष्णु गुप्ता, रौतहटका ओमकिशोर चौधरी चयन भएका छन् । कोषाध्यक्षको जिम्मेवारी महोत्तरीका निरञ्जन साहलाई दिइएको छ ।
 

सदस्यहरूमा धनुषाकी प्रतिभा झा, सिराहाका रामनारायण ठाकुर र आमस्त चौधरी, सप्तरीका महेन्द्र मण्डल, महोत्तरीकी इशारा लामा, पर्साका भरत सर्राफ र सुव्दर हुसेन, सर्लाहीका सन्तोष लामा र सुमन लामा, बाराका उमेश घलान र मुकेशकुमार मेहता चयन भएको केन्द्रीय उपाध्यक्ष तथा मधेस प्रदेश इन्चार्ज गोविन्द देवकोटाले बताए । उनका अनुसार नवनिर्वाचित प्रदेश कार्यसमितिको पहिलो बैठकबाट महिला उपाध्यक्ष मनोनयन गरिनेछ ।