काठमाडौँ । एभरेष्ट बैङ्क लिमिटेडले बाढी पहिरो पीडितको सहयोगको लागि प्रधानमन्त्री दैवी उद्धार कोषमा ५० लाख सहयोग गरेको छ । 

बैङ्कका प्रमुख कार्यकारी अधिकृत (सीईओ) सुदेश खालिङले प्रधानमन्त्री तथा मन्त्रिपरिषद् कार्यालय, सिंहदरबारमा सम्माननीय प्रधानमन्त्री श्री केपी शर्मा ओलीलाई उक्त रकमको चेक हस्तान्तरण गरे । 
 

गत असोज ११ र १२ गते आएको बाढी, पहिरो र डुबानबाट प्रभावितलाई राहतका लागि उक्त कोषमा सहयोग गरेको हो । 

मुलुकलाई विपत्ति आइलागेको अवस्थामा बैङ्कले विगतदेखि नै सहयोग गर्दै आएको छ ।