काठमाडौं  - । मदन ढकालको शब्द–संगीत रहेको तीज गीत भर्खरै मात्र बजारमा आएको छ ।   टि.एम. म्यूजिक प्रोडक्सन युट्युब च्यानल मार्फत उक्त गीत सार्वजनिक गरिएको  छ । 

गाँउघरको भाषामा बोलिने शब्द तथा भाकाहरुलाईनै जस्ताको तस्तै यस गीतमा समाबेश गरी मौलिकतालाई उजागर गरेको छ । कञ्चन  पुन मगर र तीर्थ खत्रीको स्वर रहेको यस गीतमा पछिल्लो समयकी लोकप्रिय मोडल तथा गायिका रीया खड्का, लेलिया बिश्वकर्मा, ममता रानामगर, सलिना थापा, रीया रेग्मी र गोबिन्द बिबसले अभिनय गरेका छन् । 

मौलिक पक्षलाई ध्यानमा राखी सृजना गर्ने गायक तथा सर्जक मदन ढकालले यो गीतलाई व्यवसायीक भन्दा पनि लोक संस्कृतिलाई जगेर्ना गर्ने तिर केन्द्रित रहेको देखिन्छ । मौलिक पर्वहरुसँग सम्बन्धित गीतमा छाडापन आईरहेको समयमा पनि मदन ढकालले पुरानै गिती शब्द तथा लयलाई अहिलेको समय अनुरुप प्रस्तुत गरेको देख्न सकिन्छ ।