काठमाडौँ -   माध्यमिक तहको (प्लस टु) पढाइ सकेर विद्यार्थीलाई अवसर र अवसरसँग जोड्न यही श्रावण १९ गते अर्थात् शनिबार नेपाल प्रज्ञा प्रतिष्ठान, कमलादिमामा ‘करियर कन्क्लेभ’ आयोजना हुँदैछ । ‘

करियर कन्क्लेभ’ नेपाली विद्यार्थीहरुको करियरलाई प्राथमिकतामा राखेर पहिलो युवा सम्मेलन भएको आयोजकले जनाएको छ । आयोजक संस्थाका अध्यक्ष लक्ष्मण पोखरेलले तालिम र टेकस्पायर कलेजको मुख्य उद्देश्य विद्यार्थीहरुलाई सहरको प्रतिस्पर्धी बजार र विकसित व्यवसाय परिदृष्यमा समाहित गर्न युवा सम्मेलन ‘करियर कन्क्लेभ’ आयोजना गर्ने बताएका छन । सम्मेलनमा नेपालका विद्यार्थीलाई सूचना प्रविधि क्षेत्र र व्यवस्थापन क्षेत्रका अग्रणी व्यक्तित्वहरूले सम्बोधन गर्ने कार्यक्रम रहेको छ ।

कार्यक्रममा नेपालको अग्रणी डिजिटल भल्ट ई–सेवाका सहसंस्थापक सुवास सापकोटा, यती एयरलाइन्सका प्रमुख कार्यकारी अधिकृत संजोग कोइराला, आइडियाप्रेन्योर नेपालका संस्थापक इस्मरण दवाडी, कोड हिमालयका सह–संस्थापक इस्मरण दवाडी, ह्याप्पी माइन्ड्सका संस्थापक श्रेया गिरीलगायतको उपस्थिति रहने छ । ‘जीवित सिकाइ र रोजगारी बजार परिवर्तन’ शीर्षकमा प्यानल बहस हुनेछ । प्यानलको संयोजक माइनेट क्युबाका संस्थापक राजन कोइरालाले गर्नेछन् ।

कार्यक्रममा सचिव पारस खड्का र प्रेरणादायी वक्ता शौनक भट्टले विद्यार्थीहरुलाई सम्बोधन गर्ने छन् भने नितेशजंग कुँवर र समृद्धि राईले सांगीतिक प्रस्तुति दिनेछन् । त्यसैगरी हास्यकलाकार सुमन काकीले पनि प्रस्तुति दिने र अन्य थुप्रै सांगीतिक तथा सांस्कृतिक कार्यक्रम हुने आयोजकले जनाएको छ । परिवर्तन संहिता सम्बन्धी सम्मेलन नेपालले सह(आयोजन गरेको थियो र पिसिपिस कलेजले सह(प्रायोजक रहेको छ। त्यसैगरी कोड हिमालय, कुमारी बैंक, इन्ट्रान्स पार्क, आईएनआई सिनेमाज, एईसी ग्लोबल, क्वेसनबैंक आइलीले सम्मेलनलाई प्रायोजन गर्नेछन् ।