काठमाडौं । प्रधानमन्त्रीको राजीनामा माग गर्दै नेपाली कांग्रेसको भातृसंगठन नेपाल विद्यार्थी संघले काठमाडौंमा प्रदर्शन गरेको छ ।

सरकार काण्डै काण्डमा फसेको र भ्रष्टाचारीलाई संरक्षण गरेको भन्दै नेविसंघले प्रधानमन्त्रीले राजीनामा दिनुपर्ने माग गर्दै आज शुक्रबार सिंहदरबारदेखि वालुवाटारसम्म प्रदर्शन गरेको हो ।

उनीहरुले बालकुमारी घटनामा सरकारकै कारण दुई युवाहरुको मृत्यु भएको भन्दै सरकारबिरुद्ध नारावाजी गरेका हुन् । प्रदर्शनमा सहभागीहरुले युवालाई छातीमा गोली होइन रोजगार दे, काण्डै काण्डका नाइके र भ्रष्टाचारीलाई संरक्षण गर्ने प्रचण्ड सरकार राजीनामा दे लेखिएका व्यानर प्रदर्शन गरेका थिए । 

प्रचण्ड नेतृत्वको वर्तमान सरकारले राज्य आतंक फैलाएको उनीहरुको आरोप छ ।