आयल निगमका कार्यकारी निर्देशक थानीले दिए राजीनामा

खबरमुकाम
२०८०, मंसिर २६ मंगलबार

काठमाडौं । नेपाल आयल निगमका कार्यकारी निर्देशक उमेशप्रसाद थानीले राजीनामा दिएका छन् ।

मंसिर २७ बाट लागू हुनेगरी थानीले राजीनामा बुझाएका हुन् । उनले २०७८ फागुन २६ गते निगमको कार्यकारी निर्देशकको रुपमा नियुक्त लिएका थिए । ३ वर्षको लागि नियुक्त भएका थानीले १ वर्ष ९ महिनामै राजीनामा दिएका छन् ।

उनले शेरबहादुर देउवा प्रधानमन्त्री भएका बेला कार्यकारी निर्देशकको जिम्मेवारी पाएका थिए । थानीले बुझाएको राजीनामा पत्र सचिवालयमा राखेको उद्योग वाणिज्य तथा आपूर्तिमन्त्री रमेश रिजालले बताए ।