काठमाडौं । विवादित व्यवसायी दीपक भट्टले आफूलाई थुनामा पठाउने विशेष अदालतको आदेशविरुद्ध सर्वोच्च अदालतमा निवेदन दिएका छन् । सम्पत्ति शुद्धीकरणसम्बन्धी मुद्दामा विशेष अदालतले थुनामा पठाउने आदेश गरेपछि भट्टले उक्त आदेश बदरको माग गर्दै सर्वोच्चमा निवेदन दिएका हुन् ।

भट्टले दिएको निवेदनको पेसी सोमबारका लागि तोकिएको छ । भट्टविरुद्ध सम्पत्ति शुद्धीकरण अनुसन्धान विभागले सम्पत्ति शुद्धीकरणसम्बन्धी कसुरमा अनुसन्धान गरेको थियो । अनुसन्धानपछि विशेष सरकारी वकिलको कार्यालयमार्फत विशेष अदालतमा मुद्दा दायर गरिएको थियो ।

उक्त मुद्दाको सुनुवाइ गर्दै विशेष अदालतले भट्टलाई थुनामा पठाउने आदेश गरेको थियो । सोही आदेशविरुद्ध उनले सर्वोच्च अदालतमा निवेदन दिएका हुन् ।