भरतपुर । राष्ट्रिय स्वतन्त्र पार्टी (रास्वपा)को सभापतिमा रवि लामिछाने निर्विरोध निर्वाचित भएका छन् । चितवनमा जारी रास्वपाको प्रथम राष्ट्रिय महाधिवेशनमा सभापति पदका लागि लामिछानेको मात्रै उम्मेदवारी परेपछि उनी निर्विरोध निर्वाचित भएको घोषणा गरिएको हो।

रास्वपा केन्द्रीय निर्वाचन आयोगका प्रमुख भुवन केसीका अनुसार केन्द्रीय समिति सदस्य पदका लागि उम्मेदवारी दर्ता भइसकेको छ । उम्मेदवारी दर्ताको समय राति १२ बजेसम्म तोकिएको थियो ।

आज बिहान ८ बजेदेखि मतदान प्रक्रिया सुरु हुने भनिए पनि हालसम्म त्यो प्रक्रिया सुरु हुन सकेको छैन । चार हजार ५ सयभन्दा बढी मतदाताले मतदान गर्ने भएकाले सम्पूर्ण मतदान प्रक्रिया सम्पन्न गर्न करिब आठ घण्टा लाग्ने अनुमान गरिएको छ ।