काठमाडौं । प्रतिनिधि छनोटसम्बन्धी विवादका कारण राष्ट्रिय स्वतन्त्र पार्टी (रास्वपा) को महाधिवेशन कार्यतालिका प्रभावित भएको छ । महाधिवेशन प्रतिनिधिको नामावली सच्याउन थप समय लागेपछि सोमबारका लागि तय गरिएको बन्दसत्र स्थगित गरिएको हो ।

रास्वपाको केन्द्रीय निर्वाचन आयोगका अनुसार बन्दसत्र अब मंगलबार बिहानदेखि सुरु हुनेछ । बन्दसत्र प्रभावित भएसँगै निर्वाचन कार्यतालिकामा समेत असर परेको छ ।

बन्दसत्र स्थगित भएपछि महाधिवेशन एक दिन लम्बिने देखिएको छ । महाधिवेशनबाट पार्टीको नयाँ कार्यसमिति समेत चयन गरिने छ । 

रास्वपाको प्रथम राष्ट्रिय महाधिवेशनको उद्घाटन आइतबार पार्टी सभापति रवि लामिछाने र वरिष्ठ नेता एवं काठमाडौं महानगरपालिकाका प्रमुख बालेन्द्र शाह (बालेन) ले गरेका थिए ।