नेपालको प्रमुख चाडहरूमध्ये उधौली पर्व, साकेला, साकेवा, फोलष्याँदर, चासोक तङ्नाम, योमरी पुन्ही, ज्यापू दिवस (धान्य पूर्णिमा) को शुभअवसरमा सम्पूर्ण नेपाली दाजुभाई तथा दिदीबहिनीहरूमा हार्दिक मंगलमय शुभकामना व्यक्त गर्नुभएको छ ।

सन्देशमा भनिएको छ, ‘नेपाल बहुभाषिक, बहुधार्मिक, बहुसांस्कृतिक र विविधताले भरिपूर्ण देश हो। अनेकतामा एकता नै देशको पहिचान हो । प्रकृतिसँग सम्बन्धित नेपालमा यामसँगै शुरु हुने चाडहरूले देशलाई रङ्गीन बनाएको छ । उधौली अर्थात लेकदेखि वेशीतर्फ सर्ने, चिसोबाट बच्ने गरेको उपायलाई पछि चाडपर्वमा विकास गरेको पाइन्छ त्यसैगरी आफूले फलाएको अन्न, फलफूललाई पहिले प्रकृतिलाई चढाएर मात्र मानिसले खाने प्रथा पनि प्रकृतिसँग सम्बन्धित छ ।’

खापुङले मानिसले सामाजिक विकासमा लम्कदा बनेका विविध संस्कार र संस्कृतिलाई देशले पनि आत्मसात गरेको छ बताउनुभएको छ।

उहाँले भन्नुभएको छ ‘सामूहिक रूपमा मनाइने चाडपर्वहरूले सामाजिक एवम् साम्प्रदायिक सद्भाव कायम राखी राष्ट्रिय एकता अझ सुदृढ बनाउनुछ भन्दै फेरि पनि उधौली पर्व, साकेला, साकेवा, फोलष्याँदर, चासोक तङ्नाम, योमरी पुन्ही, ज्यापू दिवस (धान्य पूर्णिमा) समेतको अवसरमा सम्पूर्ण नेपाली दाजुभाइ तथा दिदीबहिनीहरूमा हार्दिक मंगलमय शुभकामना व्यक्त गर्न चाहन्छु ।’