काठमाडौं । नेपाल उद्योग वाणिज्य महासंघका अध्यक्ष चन्द्रप्रसाद ढकालले निजी क्षेत्रको मनोबल सकारात्मक बन्दै जाँदा अर्थतन्त्रमा पनि त्यसको असर देखिन थालेको बताएका छन् ।

मंगलबार नाडा अटो मोबाइल्स एसोसिएसन अफ नेपाल (नाडा)द्वारा आयोजित १७औं संस्करणको नाडा अटो शो-२०२५ को उद्घाटन कार्यक्रममा अध्यक्ष ढकालले यस्तो बताएका हुन् ।

उनले बैंक तथा वित्तीय संस्थामा पर्याप्त तरलता रहेको र नीतिगत सहजता अपनाइएको कारणले गर्दा पनि समग्र अर्थतन्त्र चलयमान बन्न थालेको बताए । ‘पछिल्लो समय विद्युतीय सवारीसाधनको आयात जुन किसिमले भइरहेको छ यो हाम्रो लागी सकारात्मक छ,’ उनले भने, ‘आगामी दिनमा पनि सहज नितिले बजार थप राम्रो हुनेछ ।’