काठमाडाै‌। राष्ट्रिय प्रजातन्त्र पार्टीका सांसद डा. धवलसमशेर जबराले रारालाई 'लेक सिटी'को रूपमा विकास गर्न माग गर्नुभएको छ । बुधवारको अन्तर्राष्ट्रिय सम्बन्ध र पर्यटन समितिको बैठकमा बोल्दै उहाँले यस्तो प्रश्ताव गरे । 

उनले नेपालमा धेरै अवसर रहेको बताउँदै रारा क्षेत्रलाई 'लेक सिटी' क्षेत्रको रूपमा विकास गर्न जरुरी रहेको बताए । रारालाई 'लेक सिटी'को रूपमा विकास गर्नसके कर्णालीको कायापलट हुने जिकिर गरे । उहाँले भारतीय पर्यटकहरूलाई नेपालमा चोरको जस्तो व्यवहार गर्ने गरेको बताए । 

उनले भने, "रारालाई हामीले एउटा लेक सिटी बनाउन डिपिआर त गरौँ । अनि न लगानीकर्ता आउँछ । यस्ता विकासले कर्णालीको कायापलट हुन्छ ।"

सांसद जबराले भारत र चीनका पर्यटक भित्र्याउन सके अन्य देशहरूलाई हेर्न नपर्ने बताए ।