काठमाडौँ । मर्यादा पुरुषोत्तम भगवान श्रीरामको जन्मोत्सवको अवसरमा वीरगंज महानगरपालिका वडा नम्बर १० स्थित श्रीरामजानकी मन्दिरमा भोलि (बुधबार, माघ ९, २०८१) देखि २४ घण्टे अष्टयाम एवम् धार्मिक अनुष्ठान कार्यक्रम आयोजना गरिँदैछ । 

श्रीरामजानकी मन्दिर घडिअर्वा पोखरी अगाडि रहेको श्रीरामजानकी मन्दिरमा २४ घण्टे अष्टयाम एवम् धार्मिक अनुष्ठान कार्यक्रम आयोजना गर्न लागिएको वीरगंज महानगरपालिका वडा नम्बर १० वडाध्यक्ष सुशील साह कानुले बताए ।

श्रीरामजानकी मन्दिरमा भगवान् श्रीरामको प्राणप्रतिष्ठा गरिएको एक पूरा भएको अवसरमा मन्दिर प्राङ्गणमा भोलि बिहानदेखि २४ घण्टे अष्टयाम एवम् धार्मिक अनुष्ठान कार्यक्रम आयोजना गर्न लागिएको हो । 

गत वर्ष जनवरी २१ तारखिका दिन भारतको अयोध्यामा नवनिर्मित राम मन्दिरको समुद्घाटन गरिनुका साथै रामलल्लाको प्राणप्रतिष्ठा गरिएकै दिन श्रीरामजानकी मन्दिरमापनि भगवान् श्रीरामको प्राणप्रतिष्ठा गरिएको थियो। त्यहि अवसरमा श्रीरामजानकी मन्दिरमा भोलि बिहान ८ बजेदेखि २४ घण्टे अष्टयाम पूजा सुरु हुने वडाध्यक्ष कानुले जानकारी दिए।