काठमाडौँ ।  नेपाली काँग्रेसका नेता डा. शेखर कोइरालाले किँरात धार्मिकस्थलका रुपमा रहेको माङसेबुसङ क्षेत्रलाई धार्मिक क्षेत्र विकासका रुपमा विस्तार गर्नुपर्ने बताएका छन् ।  

राष्ट्रिय विभूति महागुरु फाल्गुनन्दको जन्मजयन्तीका अवसरमा आयोजित एक कार्यक्रमलाई सम्बोधन गर्दै डा। कोइरालाले इलामको लारुम्बास्थित माङसेबुुङलाई पशुपतिनाथ क्षेत्र विकासजस्तै गरेर विकास गर्नुुपर्नेमा जोड दिए । 

‘संस्कृतिको जगेर्ना गर्नुपर्छ, संस्कृति भनेको व्यक्ति, समाज र समुदायको पहिचान हो’ कोइरालाले भने  ‘धार्मिक र आध्यात्मिक क्षेत्रको तपोभूमि नेपाल समस्त मानव जातिको आकर्षणको केन्द्रका रूपमा रहेको छ । माङसेबुुङ पनि एक तपोभूमि हो ।’ 

कोइरालाले फाल्गुनन्दको अवतरणले ज्ञान र चेतनाको ज्योति प्रदान गरेको भन्दै फाल्गुनन्दले कोरेको बाटोलाई पनि सही ढंगले पहिचान गरी त्यसको संरक्षण सम्वर्धनमा लाग्नुपर्ने बताए । जन्मजयन्तीका अवसरमा आयोजित कार्यक्रममा माङसेबुुङस्थित किँरात धर्मगुरु आत्मनन्द लिङदेनको समेत उपस्थिति थियो ।