काठमाडौँ । शिक्षणलाई पेशा र सङ्गीतलाई ‘प्यासन’को रूपमा दशकदेखि निरन्तर लागि परिरहेका गायक कुमार दवाडीले दशैँ कोसेलीस्वरूप नयाँ गीत सार्वजनिक गरेका छन् ।

डा. कृष्णहरी बरालका शब्दमा दिपक भट्टराईले सङ्गीत उनेको ‘जिन्दगानी प्यारो लाग्छ’ बोलको गीतमा सुमधुर आवाज भरेका छन् । एक दशकभन्दा लामो समयदेखि सङ्गीतको अध्ययनमा समेत रहेका उनले दशैंको छेकपारि ल्याएको गीतले माया, जीन्दगी र विश्वासका कथा भनेको छ । 
 

उनको आफ्नै ‘कुमार दवाडी’ युट्युव मार्फत सार्वजनिक गीतको म्युजिक भिडियोमा निर्देशक युवराज वाईवाले ‘क्लासिक लभस्टोरी’ को छनक दिएका छन् । रिवाज गौतम र दिपिका शाहको चुलबुले र मायावी चाल–ढाल म्युजिक भिडियोमा देख्न सकिन्छ । तीन वर्षअघि उनले ‘नबोली जित्छौ तिमी’ बोलको गीतसँगै म्युजिक भिडियो ल्याएका थिए । 

डेढ दशकदेखि काठमाडौँमा रहेर शिक्षणसँगै सङ्गीतलाई अघि बढाइरहेका उनले आगामी दिनमा सङ्गीतलाई थप समय दिने पनि बताएका छन् । किशोरावस्थादेखि नै गीत–सङ्गीतमा रुची राख्ने उनी ‘बिक्नेभन्दा पनि टिक्ने’ सङ्गीत आफ्नो रोजाइमा पर्ने सुनाउँछन् । (भिडियो हेर्न) तलको लिङ्कमा जानुहोस् ।)

https://www.youtube.com/embed/BbfRqrN04OE