काठमाडौँ । नेपाल बीमा प्राधिकरणको आयोजनामा मिति २०८१ साल असोज २१ गतेदेखि २३ गतेसम्म काठमाडौंमा आयोजना गर्न तय भएको एसियन फोरम अफ इन्स्योरेन्स रेगुलेटर्सको वार्षिक बैठक तथा वार्षिक सम्मेलन हाललाई स्थगित गरिएको छ ।

हालैको अविरल वर्षाका कारण नेपालका विभिन्न स्थानमा बाढी तथा पहिरोबाट असहज अवस्था सिर्जना भएकाले निर्धारित मितिमा बैठक तथा सम्मेलन गर्न असहज हुने भनी एसियन फोरम अफ इन्स्योरेन्स रेगुलेटर्सको सचिवालयबाट हाललाई कार्यक्रमहरू स्थगित गर्न अनुरोध भएको हुँदा विदेशी पाहुनाहरूको सुविधा समेतलाई ध्यानमा राखी उक्त सचिवालयसँगको समन्वयमा अर्को मिति तोक्ने गरी हाललाई कार्यक्रमहरू स्थगित गरिएको हो ।

यही असोज २३ का लागि तय भएको एसियन फोरम अफ इन्स्योरेन्स रेगुलेटर्सको वार्षिक साधारण सभाको भर्चुअल माध्यमबाट हुने सत्र भने सोही मितिमा नै सञ्चालन हुनेछ ।