काठमाडौंँ । गीतकार निर्मलराज पौडेलको “बडा बडादशैँ बडा दशैँ, हर्षको आगमन” बोलको दसैँ गीत सार्बजनिक भएको छ । गीतमा पौडेलसहित सङ्गीतकार मोहित मुनाल, गायिका समान्ता थापा, मनिष पौडेलले स्वर दिएका छन् । 

वेलकम एभी प्रोडक्सनले तयार पारेको म्यूजिक भिडियोलाई मनिष पौडेलले निर्देशन गरेका छन् भने कोरियोग्राफी दिपिका थापाले गरेकी हुन् । उक्त गीतमा कलाकार गोपाल ढकाल “छन्दे”, नवराज कार्कीका साथै वेलकम परिवारले अभिनयमा साथ दिएका  छन् । 
 

गीतकार तथा गायक पौडेलले भने, “विगत दश–पन्ध्र वर्षअगाडिसम्म पनि बडादशैँको रौनक, खुसियालीको माहौल देखिने गर्दथ्यो, तर आज भोली सबै हराउँदै गएको महसुस हुन थालेको छ । त्यसै कारण हाम्रा पालाका गीत, संगीत, तथा प्रस्तुतिहरुलाई हाम्रा सन्ततिहरुले पनि थाहा पाऊन्, महसुस गरुन् भन्ने उद्देश्यले गीत तयार पारेका हौँ ।”

गीतमा नेपालीहरुले दशैं मनाउने शैली, परम्परा लगायतका रमाइलो सँगसँगै आर्थिक, सामाजिक र पारिवारिक विषयलाई समेटिएको छ । यसअघि पौडेलको तीज गीत पनि सार्वजनिक भएको थियो ।

https://www.youtube.com/embed/D2Z1IRKeV-M