सुनसरी । पछिल्लो समय प्रतिस्पर्धा र एकअर्कालाई अपांग बनाउँदै कसरी अगाडि बढ्ने भन्ने कारण समाज दुःखी भएको अवस्थामा राजनीतिक नेतृत्वले आध्यात्मिक शिक्षा लिएर समृद्ध समाज निर्माणमा लाग्नु पर्ने नेकपा एमालेकी सांसद भगवती चौधरीले बताएकी छिन् । धर्मको डर नराखी अगाडि बढ्नका लागि सामाजिक सहिष्णुता र राजनीतिक नेतृत्व कायम गर्न आध्यात्मिक शिक्षा आवश्यक रहेको उनले बताइन् । 

गृह जिल्ला सुनसरी, दुहबी नगरपालिका वडा नं ८ मा सन्त कविर गुरु रविदास आश्रमको शिलान्यास गर्दै चौधरीले  विश्वमा धार्मिक आस्था भएका व्यक्तिले साम्प्रदायिकता फैलाउन सक्ने खालको तिक्तता हटाउन हरेक नेतामा आध्यात्मिक चेतना हुनुपर्ने बताइन्  । 

उनले भनिन्, “अर्कोलाई क्षेत्रको जिम्मा लिन तयार ’भ्रष्ट समाज र प्रतिस्पर्धालाई सामान्य अवस्थामा ल्याउन धार्मिक साम्प्रदायिकताविना सबैको आस्थालाई सम्मान गर्दै राजनीतिक नेतृत्वबाट आध्यात्मिक शिक्षा लिनुपर्छ ।” आध्यात्मिक शिक्षाका लागि सत्य बोल्न प्रेरित गर्नुपर्ने उनको भनाई छ । 

उनले हरेक गाउँ र क्षेत्रमा आध्यात्मिक संस्था, मन्दिर, अध्यात्म विद्यालय आवश्यक रहेको बताउँदै जनतालाई सही बाटोमा हिँड्न प्रेरित गर्ने बताइन् । । आज धेरै विकसित मुलुकमा धार्मिक संगठन राजनीतिक रूपमा अगाडि बढिरहेको भन्दै चौधरीले समाज र देशलाई सकारात्मक बनाउन धर्मगुरुले पनि भूमिका खेल्नुपर्ने बताइन् ।