काठमाडौं । नेपाल अन्तर्राष्ट्रिय कृष्णभावनामृत संघ (इस्कोन) ले हरिनाम संकिर्तन कार्यक्रम सम्पन्न गरेको छ । यही मिति २०८० पौष ७ गते शनिबार मोक्षदा एकादशी रहेका र यसै एकादशी तिथि अर्थात गीता जयन्तीको दिनमा भगवान श्रीकृष्णद्घारा उनका परमभक्त अर्जुनलाई श्रीमद्भगवद्गीताको दिव्य ज्ञान प्रदान गरेका थिए । 

सोही शुभ अवसरमा इस्कोनले  टुडिखेल हुँदै न्यूरोड, बसन्तपुर, इन्द्रचोक, ठमेल हुँदै लैनचौर क्षेत्रमा दिउँसो ३ देखि ६ बजे सम्म हरिनाम संकिर्तनको आयोजना गरेको हो । 

यस हरिनाम संकिर्तनमा भगवानको दिव्य नामको गायन किर्तन, नृत्य, प्रसादम वितरण, भगवद्गीता ग्रन्थ वितरण आदि कृयाकलापबाट आनन्दमय वातावरण भएको थियो, र संकिर्तनको माध्यमबाट हरेक व्यक्तिले हाम्रो वैदिक सनातन धर्म, संस्कृतिको महत्व र  भगवानसँगको निकटता महसुस गरेका थिए साथै एक गाडिमा श्रीमद्भगवद्गीताको फ्लेक्स पनि प्रदर्शन गरिएको थियो । 

यस दिव्य महोत्सवमा विभिन्न संघसंस्थाका विशिष्ट व्यक्तिहरुको उल्लासमय उपस्थिति तथा उनीहरुले आफ्नो विचार तथा विमर्श व्यक्त गरेका थिए ।