काठमाडौं । आगलागीबाट ईलाममा १७ लाख रूपैयाँ र सुनसरीमा १० लाख रूपैयाँ गरी जम्मा २७ लाख रूपैयाँ बराबरको धनमाल जलेर नष्ट भएको छ ।  
ईलाम, सूर्योदय नगरपालिका–१० आले बस्ने कमला सुब्बाको घरमा रहेको किराना पसलमा विद्युत सर्ट भई सोमबार दिउँसो आगलागी हुँदा घर, पसलको सामान, भाडावर्तन, लत्ताकपडा र नगद समेत गरी करिब १७ लाख रूपैयाँ बराबरको धनमाल जलेर नष्ट भएको छ ।

सुनसरी, ईटहरी उपमहानगरपालिका–६ हटिया लाईनस्थित भारत जोगवनी घर भएको महमत सोनु अन्सारीको कपडा पसलमा बिद्युत सर्ट भई गएराति आगलागी हुँदा पसलमा रहेको सम्पूर्ण कपडा जलेर करिब १० लाख रूपैयाँ बराबरको धनमाल नष्ट भएको छ । 

प्रहरीले स्थानीय वासिन्दा र दमकलको सहयोगमा आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको छ ।