काठमाडौं । मंसिर लागेपछि सुनको मूल्यले नयाँ नयाँ रेकर्ड कायम गर्दै गएको छ ।

मंसिर लागेपछि हरेक दिन सुनको मूल्यले इतिहास कायम गरेको छ । मंसिरका १८ दिनमा छापावाला सुनको मूल्य प्रतितोला ६ हजार १ सय रुपैयाँले बढिसकेको छ ।

नेपाल सुनचाँदी व्यवसायी महासंघको तथ्यांकअनुसार मंसिर १ गते छापावाला सुनको मूल्य प्रतितोला १ लाख १५ हजार ५ सय रुपैयाँ थियो । सुनको मूल्यले हरेक दिन रेकर्ड कायम गर्दै जाँदा व्यवसायी नै चकित छन् ।

बजारमा सुनको मूल्यले इतिहास कायम गर्दै जाँदा मंसिर अन्त्यसम्ममा १ लाख २५ हजार रुपैयाँ पुग्ने अनुमान भइरहेको छ ।

‘व्यवसायीहरुले मंसिरभरमा सुनको मूल्य प्रतितोला १ लाख २५ हजार पुग्ने अनुमान गरेका थिए । अहिलेको वृद्धि हेर्दा त्यस्तै हुने आधार देखिएको छ ।

सुनको मूल्य उच्च तवरले बढ्दा २०८० सालको अन्त्यसम्ममा प्रतितोला १ लाख ३० हजार रुपैयाँ पुग्ने प्रक्षेपण व्यवसायीको छ ।