काठमाडौं । नेकपा (एमाले(का अध्यक्ष केपी शर्मा ओलीले खुट्टा नभएको गठबन्धनको छेस्काहरूले अड्याएको वर्तमान सरकार ढल्न समय नलाग्ने दाबी गरेका छन् । 

उनले संकल्प यात्राका क्रममा डडेलधुराको अमरगढीमा शुक्रबार आयोजित सभामा सरकार हल्लिरहेको बताउँदै सरकार कुनै समय आफैँ ढल्न सक्ने बताए ।  

ओलीले भने, “हामीले अहिले मिसन ०८४ भनेका छौँ । यदि बीचमा यो सरकार।।।म किन भनिरहेको छु भने यो सरकार कसैले ढाल्नुपर्दैन । सरकार हल्लिरहेको छ । चर्‍याक मर्‍याक, चर्‍याक मर्‍याक भइरहेको छ । तर, हामी पश्चिमबाट पूर्वसम्मको तीन हप्ताको अभियानमा लागेका छौँ ।”  

सरकारसँग कुनै सिद्धान्त, कार्यक्रम नरहेको ओलीको भनाइ छ । कांग्रेस प्रचण्डपथको भरिया बनेको आरोप ओलीले लगाए । “यसको कुनै सिद्धान्त, नीति, योजना छैन । कुनै कार्यक्रम छैन । मोटामोटीमा भन्ने हो भने यो सरकार माओवादीको नीतिमा प्रचण्डपथमा हिँड्न खोजिरहेको छ । सकेको छैन । नेपाली कांग्रेस प्रचण्डपथको भरिया बनेर हिँडिराखेको छ,” उनले भने । 

कांग्रेसका मान्छेलाई मुद्दा लागेर थुनिएको भन्दै अदालतले दोषी हो कि होइन भन्ने फैसला गर्ने उनको भनाइ छ ।