काठमाडौं । पहिलो त्रैमासिक अवधिमा सिटिजन लाइफ इन्स्योरेन्सको नाफा समीक्षा अवधिको तुलनामा बढे पनि वार्षिक प्रतिसेयर आम्दानी भने घटेको छ ।

कम्पनीले सार्वजनिक गरेको पहिलो त्रैमासिक वित्तीय विवरणअनुसार तीन महिनामा खुद नाफा ७ करोड १४ लाख रुपैयाँ छ । यो गत आर्थिक वर्षको सोहि अवधिको तुलनामा १.६० प्रतिशत बढी हो । गत वर्षको यसै अवधिमा कम्पनीले यस्तो नाफा ७ करोड ३ लाख रुपैयाँ आर्जन गरेको थियो।

कम्पनीले पहिलो त्रैमासमा एक अर्ब ५० करोड रुपैयाँ बीमा शुल्क आर्जन गरेको छ भने १ अर्ब ८ करोड रुपैयाँ बराबरको नविकरण बीमा शुल्क आर्जन गर्न सफल भएको छ ।

समिक्षा अवधिमा कम्पनीले जोखिमको अवस्थामा प्रयोग गरिने महाविपत्ति कोषमा १४ करोड ५० लाख रुपैयाँ राखेको छ ।

हाल कम्पनीको प्रतिसेयर आम्दानी ७ रुपैयाँ ६३ पैसा रहेको कम्पनीले सार्वजनिक गरेको अपरिस्कृत वित्तीय विवरणमा देखिन्छ। गत वर्षको सोहि अवधिमा कम्पनीले यस्तो आम्दानी १६ रुपैयाँ ८ पैसा रहेको थियो ।

प्रतिसेयर आम्दानी घट्नुको मुख्य कारण कम्पनीको सेयर पूँजी ४२ प्रतिशतले बढ्नु हो । गत वर्षको पहिलो त्रैमासमा कम्पनीको सेयर पूँजी २ अर्ब ६२ करोड रुपैयाँ रहेकोमा अहिले बढेर ३ अर्ब ७५ करोड रुपैयाँ पुगेको छ ।