काठमाडौं । सरकारले रसुवा बाढी प्रभावितको आपतकालीन उद्धार तथा राहत कार्यलाई तीव्रता दिने निर्णय गरेको छ ।

बुधबार बसेको मन्त्रिपरिषद् बैठकले उद्धार र राहत कार्यक्रम तीव्र बनाउने निर्णय गरेको कानुनमन्त्री सोविता गौतमले जानकारी दिइन् । बैठकमा रसुवा बाढीबाट उत्पन्न परिस्थितिको समीक्षा पनि गरिएको थियो ।

बैठकले उद्धार, प्रभावितको सुरक्षित स्थानान्तरण, राहत, सूचना तथा सञ्चार, स्वास्थ्य सेवा, आवश्यक बजेट परिचालन र पूर्वाधार निर्माणलगायत विषयमा समन्वय गर्न सम्बन्धित मन्त्रालयलाई काम सुरु गर्ने निर्णय गरेको उनले बताइन् ।