सप्तरी । जिल्लामा शान्ति–सुरक्षाको स्थिति बिग्रन नदिन जिल्ला प्रशासन कार्यालय सप्तरीले सदरमुकाम राजविराज नगरपालिका क्षेत्रभित्र अनिश्चितकालीन कर्फ्यु आदेश जारी गरेको छ ।

प्रशासनले आज बिहान सूचना जारी गर्दै स्थानीय सुरक्षा अवस्थाको विश्लेषण र जिल्ला सुरक्षा समितिको निर्णयअनुसार बिहान ८ बजेदेखि अर्को आदेश नभएसम्मका लागि कर्फ्यु लागू गरिएको जनाएको छ ।

कर्फ्यु लागू गरिएका क्षेत्रहरूः
पूर्वः खाँडो खोला
पश्चिमः हुलाकी राजमार्गअन्तर्गत जमुनी थलही

उत्तरः रूपनी रोडअन्तर्गत बसबिट्टी
दक्षिणः कोशी पश्चिमी मूल नहर

उल्लङ्घन गरे कडा कारबाही हुने चेतावनी
सम्भावित आन्दोलन वा अवाञ्छित गतिविधिबाट हुनसक्ने अशान्ति र सुरक्षा जोखिमलाई ध्यानमा राखेर यो कदम चालिएको प्रशासनको भनाइ छ ।

जिल्ला प्रशासन कार्यालयले जारी आदेशको उल्लङ्घन गर्ने, विरोध प्रदर्शन गर्ने वा शान्ति(सुरक्षामा खलल पुर्‍याउने जो(कोहीलाई प्रचलित कानुनबमोजिम कडा कारबाही गरिने चेतावनी दिएको छ ।