काठमाडौं । नेपालका लागि बजाज मोटरसाइकलको आधिकारिक बिक्रेता एचएच बजाजले आफ्ना ग्राहकका लागि किस्ताबन्दी (फाइनान्सिङ) सुविधालाई अझ सहज र सस्तो बनाएको छ । कम्पनीले हुलास फिनसर्भ हायर पर्चेज लिमिटेड (एचएफएल) सँगको सहकार्यमा नयाँ किस्ता योजना अघि सारेको हो । 

नयाँ व्यवस्थाअनुसार अब बजाजका मोटरसाइकल खरिद गर्दा भुक्तानीको समय अवधि ३ वर्षबाट बढाएर अधिकतम ५ वर्ष (६० महिना) पुर्‍याइएको छ । साथै, यसअघि रहेको ९.९९ प्रतिशतको ब्याजदरलाई घटाएर ८.९९ प्रतिशतमा झारिएको छ । किस्ताको समयावधि थपिएपछि र ब्याजदर घटेपछि मासिक बुझाउनुपर्ने रकम (ईएमआई) मा ठूलो गिरावट आएको छ ।  

कति घट्यो किस्ता ?
यो फाइनान्सिङ सुविधा प्लाटिना १०० इएसदेखि डोमिनार ४०० सम्मका सबै बजाज मोडलहरूमा लागू हुनेछ । 

प्लाटिना १०० इएसः यसअघि मासिक करिब ३,२५५ रुपैयाँ किस्ता बुझाउनुपर्नेमा अब २,१२४ रुपैयाँ मात्र तिरे पुग्छ । यसबाट ग्राहकलाई प्रतिमहिना करिब १,१३१ रुपैयाँ फाइदा हुन्छ ।  डोमिनार ४००ः पहिले मासिक ८,२२७ रुपैयाँ जति पर्ने किस्ता घटेर ५,३७० रुपैयाँ कायम भएको छ, जसबाट मासिक करिब २,८५७ रुपैयाँ बचत हुन्छ ।  यसबाहेक पल्सर सिरिजका विभिन्न मोडलहरू (१२५, एन१२५, १५), एन१५०, एन१६०, २२०एफ, २००एनएस, एन२५० र एनएस४०० जेड) मा पनि मासिक किस्ता घटाइएको छ ।  

कम्पनीका अनुसार यो कुनै अल्पकालीन अफर वा छुट योजना मात्र नभई ग्राहकको आर्थिक सहजताका लागि ल्याइएको दीर्घकालीन व्यवस्था हो । मोटरसाइकलको कुल मूल्यभन्दा पनि बुझाउनुपर्ने मासिक किस्ता रकम मुख्य चासोको विषय बन्ने गरेकाले ऋणको अवधि बढाएर र ब्याजदर घटाएर ग्राहकमैत्री नीति लिइएको एचएच बजाजले जनाएको छ । नेपाल राष्ट्र बैंकबाट स्वीकृति प्राप्त हुलास फिनसर्भमार्फत उपलब्ध गराइने यो सुविधा देशैभरि रहेका एचएच बजाजका आधिकारिक सोरुमहरूबाट लिन सकिनेछ ।