काठमाडौं । सिंहदरबारस्थित निषेधित क्षेत्रमा प्रदर्शन गर्न खोजेको आरोपमा प्रहरीले नेकपा (एमाले) निकट विद्यार्थी संगठन अनेरास्ववियुका केन्द्रीय अध्यक्ष दीपक धामीसहित सात जनालाई नियन्त्रणमा लिएको छ । बुधबार सिंहदरबारको मुख्य प्रवेशद्वार अगाडि प्रदर्शन र नाराबाजी गर्न खोजेपछि प्रहरीले उनीहरूलाई नियन्त्रणमा लिएको हो ।

प्रहरीका अनुसार पक्राउ पर्नेहरूमा अनेरास्ववियुका केन्द्रीय अध्यक्ष दीपक धामी, निर्वाचन आयोगका अध्यक्ष जितप्रसाद सिटौला, सचिवालय सदस्य विशाल खड्का, उपत्यका विशेष बागमती प्रदेश संयोजक रवि मगर, केन्द्रीय सदस्य विष्णु उपरकोटी, कानुन राष्ट्रिय कमिटी सचिव सुदीप थापा तथा सीटीईभीटी सदस्य सिरिस बुढाथोकी रहेका छन् ।

प्रहरीले निषेधित क्षेत्रको सुरक्षा व्यवस्था उल्लङ्घन गर्दै प्रदर्शन गर्न खोजेपछि उनीहरूलाई सुरक्षा र कानुनी प्रक्रियाका लागि नियन्त्रणमा लिइएको जनाएको छ ।घटनाबारे थप अनुसन्धान भइरहेको प्रहरीले जनाएको छ ।