काठमाडौं । जननेता मदन भण्डारीको ७५ औं जन्म जयन्तीको अवसर पारेर आज नेकपा (एमाले)ले आयोजना गर्ने कार्यक्रममा मुख्य नेताहरुले एउटै मञ्चबाट सम्बोधन गर्ने भएका छ । एमाले अध्यक्ष केपी शर्मा ओली, नेपाली कम्युनिष्ट पार्टीका संयोजक पुष्पकमल दाहाल प्रचण्ड र सहसंयोजक माधवकुमार नेपाल लगायतका नेताहरुले एउटै मञ्चबाट सम्बोधन गर्न लागेका हुन् । 

पूर्वराष्ट्रपति विद्यादेवी भण्डारीको प्रमुख आतिथ्यतामा आज काठमाडौंको राष्ट्रियसभामा एक कार्यक्रमको आयोजना गरिएको छ । ‘नेपालको कम्युनिस्ट आन्दोलन र जननेता मदन भण्डारी’ विषयक राष्ट्रिय गोष्ठीको आयोजना गरिएको हो । 

उक्त कार्यक्रममा ओली, प्रचण्ड र नेपालसँगै झलनाथ खनाल र जनता समाजवादी पार्टी नेपालका अध्यक्ष उपेन्द्र यादव पनि सहभागी हुँदै छन् । पछिल्लो दिनमा कम्युनिष्ट एकताको बहस बाक्लो भइरहेका बेला कम्युनिष्ट पार्टीका मुख्य नेताहरु एक मञ्चमा देखिनुलाई अर्थपूर्ण रुपमा हेरिएको छ ।