काठमाडौं । विश्वकप फुटबलअन्तर्गत समूह ‘सी’ मा स्कटल्यान्डले विजयी सुरुआत गरेको छ । आइतबार बिहान सम्पन्न खेलमा हाइटीलाई १–० ले पराजित गर्दै स्कटल्यान्डले महत्वपूर्ण तीन अंक हात पारेको हो ।

प्रतिस्पर्धात्मक बनेको खेलमा स्कटल्यान्डका लागि जोन म्याकगिननले गरेको एकमात्र गोल नै निर्णायक बन्यो । उनले पहिलो हाफको मध्यतिर गोल गर्दै टोलीलाई अग्रता दिलाएका थिए, जुन अन्तिमसम्म कायम रह्यो ।

बोस्टनस्थित मैदानमा भएको खेलमा हाइटीले बराबरी गोल फर्काउने प्रयास गरे पनि स्कटल्यान्डको रक्षापंक्ति मजबुत देखियो ।

यस जितसँगै स्कटल्यान्ड तीन अंकसहित समूह ‘सी’ को शीर्ष स्थानमा पुगेको छ । यसअघि सोही समूहमा ब्राजिल र मोरक्कोले १–१ गोलको बराबरी खेल्दै अंक बाँडेका थिए ।

समूह चरणको पहिलो खेलपछि स्कटल्यान्डले आफूलाई बलियो प्रतिस्पर्धीका रूपमा प्रस्तुत गरेको छ भने हाइटी भने अंकविहीन बनेको छ ।