काठमाडौं । काठमाडौं उपत्यभित्रै नक्कली मदिरा बनाउने कारखाना फेला परेको छ । काठमाडौं उपत्यका अन्तर्गत ललितपुर जिल्लाको महालक्ष्मी नगरपालिका–७ स्थित चाँगाथलीमा नक्कली ब्राण्डेड मदिरा बनाउने कारखाना फेला परेको हो । 

सशस्त्र प्रहरीको टोलीले मंगलबार उक्त कारखानामा छापा मारेको छ । छापा मार्ने क्रममा सशस्त्र प्रहरीले ठूलो मात्रामा नक्क्ली रेडलेवल, ब्ल्याक लेवललगायत महँगा खालका रक्सीसमेत बरामद गरेको छ । 

सशस्त्र प्रहरीका केन्द्रीय प्रवक्ता विष्णुप्रसाद भट्टका अनुसार पक्राउ पर्नेमा रामेछाप जिल्लाको खाँडादेवि गाउँपालिका–२ बस्ने ३० वर्षीय मनोज खत्री, सोही जिल्लाको खिम्ति गाउँपालिका बस्ने २८ वर्षीय विनोद तामाङ, २६ वर्षीय विवेक तामाङ र सिन्धुपाल्चोक जिल्लाको बाह्रविसे नगरपालिका–६ बस्ने २२ वर्षीय छिदेन निमा तामाङ रहेका छन् ।