काठमाडौं । हुम्लामा असिनापानी र हुरीपछि घरगोठ बगेका छन् । जिल्लाको चंखेली गाउँपालिका–५ मा भीषण असिनापानीपछि आएको पहिरोले घर गोठ बगाएको हो । 

जिल्ला प्रहरी कार्यालय हुम्लाले दिएको जानकारी अनुसार हावाहुलीसहितको असिना पानीपछि रातको समयमा बाढी आएको थियो । बाढीले स्थानीयको घर गोठ बगाउँदा भेडाबाख्रा पुरिएका छन् भने मानवीय क्षतिको विवरण आउन बाँकी रहेको छ । नजिकको प्रहरी कार्यालयबाट घटनास्थलमा पुग्न पैदल सात घण्टा यात्रा गर्नुपर्ने भएकाले घटनास्थलमा प्रहरी पुग्न सकेको छैन ।

असिनापानीका कारण भिरालो नाङ्गो पाखोबाट लेदोसहितको बाढी बस्तीमा पसेको थियो । भौगोलिक विकटताका कारण घटनास्थलमा सुरक्षाकर्मी पुग्न समय लागेको छ ।

सुरक्षाकर्मी घटनास्थलमा पुगेपछि मात्रै क्षतिको यकिन विवरण आउने डिएसपी श्रेष्ठले बताए ।असिनापानीका कारण भिरालो नाङ्गो पाखोबाट लेदोसहितको बाढी बस्तीमा पसेको थियो । भौगोलिक विकटताका कारण घटनास्थलमा सुरक्षाकर्मी पुग्न समय लागेको छ ।