काठमाडौं । संसदीय सुनुवाइ समितिले डा. मनोजकुमार शर्मालाई सर्वसम्मत रुपमा प्रधानन्यायाधीशमा अनुमोदन गरेको छ । आज बिहानदेखि सिंहदरबारमा बसेको समितिको बैठकले डा. शर्मालाई प्रधानन्यायाधीशमा सर्वसम्मत अनुमोदन गरेको हो । 

संसदीय समितिबाट अनुमोदित भएपछि डा. शर्माको पद तथा गोपनियताको सपथ र पदभार ग्रहण आजै हुने भएको छ । सर्वोच्च श्रोतले दिएको जानकारी अनुसार आजै साँझ ६ बजेर १० मिनेटमा उनको सपथको साइत तोकिएको हो । 

संवैधानिक परिषद्ले प्रधानन्यायाधीमा सिफारिस गरेसँगै उनको विरुद्धमा १६ वटा उजुरी परेका थिए । यद्यपी, संसदीय समितिको बैठकमा उनीसँग जवाफ मागेपछि सर्वसम्मत अनुमोदन गरिएको छ ।