काठमाडौं । नेकपा (एमाले) संसदीय दलका नेता रहेका रामबहादुर थापाको अभिव्यक्ति रेकर्डबाट हटाउन सभामुख डोलप्रसाद अर्यालले रुलिङ गरेका छन् । आजको संसद् बैठकमा रास्वपाका सांसद् मनिष खनालले एमाले सांसद थापाले मंगलबार संसद्को बैठकमा दिएको अभिव्यक्ति रेकर्डबाट हटाउन माग गरेपछि सभामुखले हटाउन रुलिङ गरेका हुन् । 

त्यस लगत्तै प्रधानमन्त्री बालेन्द्र साहको सट्टा अर्थमन्त्री स्वर्णिम वाग्लेले सरकारको नीति तथा कार्यक्रमका बारेमा बोल्न सभामुखले कार्यसूची अगाडि सारेपछि विपक्षी सबै सांसदले विरोध गरेका छन् । संसदमा अवरोध भएपछि सभामुख अर्यालले विपक्षी र सत्ता पक्षका सांसदहरुलाई बोल्न दिएका छन् । 

जसअनुसार, नेपाली कांग्रेसका सांसद अर्जुन नरसिंह केसी, राष्ट्रिय प्रजातन्त्र पार्टीका ज्ञानबहादुर शाही, नेकपा (एमाले)का ऐनबहादुर शाही र राष्ट्रिय स्वतन्त्र पार्टी रास्वपाका कविन्द्र बुर्लाकोटी लगायतले आफ्नो अभिव्यक्ति राखेका छन् ।