काठमाडौं । छहारी र ओमकार ब्रान्डको सूर्यमुखी तेल उत्पादक कम्पनी ओमकार आयल इन्डस्ट्रिज प्रालिका सञ्चालक विजय श्रेष्ठ पक्राउ परेका छन् । कम्पनी सञ्चालक श्रेष्ठलाई ९०५ कार्टुन तेलसहित प्रहरीले पक्राउ गरेको हो ।

प्रहरीले दिएको जानकारी अनुसार यस ब्रान्डको सूर्यमुखी तेलमा तोकिएको मापदण्डभन्दा कम तौल राखि प्याकेजिङ्ग गरी बिक्री वितरण भइरहेको सूचना प्राप्त भएपछि अनुसन्धानका लागि श्रेष्ठलाई पक्राउ गरिएको छ । ललितपुरको गोदावरी नगरपालिका वडा नं. ५ लेलेमा रहेको यस कम्पनीले उत्पादन गरेको तेल तोकिएको परिणामभन्दा कम पाइएको पनि प्रहरीको भनाइ रहेको छ । 

नेपाल प्रहरीको काठमाडौं उपत्यका अपराध अनुसन्धान कार्यालयका प्रवक्ता रामेश्वर कार्कीले श्रेष्ठमाथि थप अनुसन्धान भइरहेको जानकारी दिए । बिहीबार पक्राउ परेका उनलाई जिल्ला प्रहरी परिसर जावलाखेलको हिरासतमा राखिएको छ ।