काठमाडौं । बालेन्द्र साह नेतृत्वको सरकारले यही बैशाख २८ गते संसदको बैठक बोलाउने गरी राष्ट्रपति रामचन्द्र पौडेलसमक्ष सिफारिस गरेको छ । आज प्रधानमन्त्री तथा मन्त्रिपरिषद्को कार्यालय सिंहदरबारमा बसेको बैठकले यस्तो निर्णय गरेको हो । 

बैठकपछि सरकारका प्रवक्ता सस्मित पोखरेलले संसदको बैठक बोलाउन राष्ट्रपति समक्ष सिफारिस गर्ने निर्णय भएको जानकारी दिए । उनका अनुसार दुवै सदको बैठक दिउँसो २ बजे बस्नेछ । सरकारले पठाएको ८ वटै अध्यादेश राष्ट्रपतिले जारी गरेलगत्तै सरकारले संसद बैठक आह्वानका लागि सिफारिस गरेको हो ।

यसअघि वैशाख १७ गतेबाट आह्वान गरिएको संसद बैठक विशेष कारण देखाउँदै स्थगित गरिएको थियो ।